Cwestiynau Cyffredin

1. Pam mae manylion taliadau’r PAC yn cael eu cyhoeddi ar y wefan hon?

   Darperir yr wybodaeth hon yn unol â Rheoliad yr UE Rhif 1306/2013 a Rheoliad y Comisiwn Rhif 908/2014, sy’n ei gwneud yn ofynnol i’r DU ac Aelod-wladwriaethau’r UE gyhoeddi manylion am y rheini sy’n cael taliadau cymhorthdal o dan y Polisi Amaethyddol Cyffredin ar un gwefan genedlaethol. Yn dilyn ymadawiad y DU â’r UE, bu’r PAC (yn cynnwys y Rheoliadau uchod) yn parhau’n berthnasol i’r Cynllun Datblygu Gwledig 2014-2020 nes iddo gau ar 31 Rhagfyr 2023. Ymhellach, mae’r wefan hon yn cynnwys manylion cymorthdaliadau amaethyddol â ariennir gan y DU o dan rheoliadau UE argadwedig, fel Cynllun y Taliad Sylfaenol. Mae’r gofynion i gyhoeddi’r manylion hyn wedi eu trawsnodi i ddeddfwriaeth y DU trwy Offerynnau Statudol â wnelir o dan Bil yr Undeb Ewropeaidd (Ymadael) 2018.

2. Pa wybodaeth sydd wedi’i chynnwys ar y wefan hon?

   Mae’r manylion sydd wedi’u cynnwys yn ymwneud â holl daliadau cynlluniau’r PAC â ariennir gan yr UE, ac hefyd gan y DU o dan rheoliadau UE argadwedig, a wnaed i fuddiolwyr yn ystod y cyfnod 16 Hydref 2023 i 15 Hydref 2024. Mae manylion taliadau am y cyfnod 16 Hydref 2024 i 15 Hydref 2025 hefyd wedi eu cynnwys ar gyfer Gogledd Iwerddon.

   Yn ystod y cyfnodau hyn, ariennir Taliadau Uniongyrchol a taliadau Cynlluniau’r Farchnad gan y DU dan rheoliadau UE argadwedig. Parhaodd rhai Taliadau Datblygu Gwledig i gael eu ariannu gan yr UE nes 31 Rhagfyr 2023 dan telerau’r Bil Undeb Ewropeaidd (Ymadael).

   Cyhoeddir gwybodaeth ar gyfer pob buddiolwr sy’n derbyn mwy na €1,250, ynghyd â gwybodaeth ychwanegol am y cynlluniau neu fesurau a dalwyd. Cyhoeddir gwybodaeth ar gyfer pob buddiolwr sy’n derbyn €1,250 neu lai, ond ni chaiff enw’r buddiolwr eu cyhoeddi.

3. A gallaf weld pa daliadau â ariennir gan yr UE a pa daliadau â ariennir gan y DU?

   Ar dudalen y canlyniadau chwilio, cliciwch ar y linc “Manylion” am bob byddiolwr. Os ariennir taliad gan y DU bydd mynegiad yn y disgrifiad mesur.

4. Pam y cafodd trothwy o €1,250 ei bennu ar gyfer celu enwau?

   Mae hyn yn unol â deddfwriaeth yr UE a’r DU. At ddibenion ymarferol troswyd hyn i £1,114. Seiliwyd hyn ar gyfradd cyfnewid yr Ewro ar gyfer taliadau BPS yn 2020, y flwyddyn diwethaf â ariennir gan y UE. Cyfrifwyd y cynllun hon am fwyafrif taliadau’r PAC.

5. Roeddwn yn meddwl bod gwahanol reolau ar gyfer cyhoeddi taliadau a wnaed i Endidau Cyfreithiol a Phobol?

   O dan ddeddfwriaeth flaenorol yr UE, roedd yn ofynnol i gyhoeddi manylion taliadau a wnaed i Endidau Cyfreithiol yn unig. Mae Rheoliadau diwygiedig yr UE yn ei gwneud yn ofynnol i gyhoeddi’r taliadau a wnaed i bob derbynnydd, ni waeth beth yw ei statws. Er hynny, ni chaiff manylion buddiolwyr sydd yn derbyn llai na €1,250 (£1,114) ei gyhoeddi.

6. Pa mor aml y caiff y data ar y wefan ei diweddaru?

   Mae’r gwybodaeth wedi ei gyhoeddi’n ddim hwyrach na 31af Mai bob blwyddyn ar gyfer taliadau a wnaed i fuddiolwyr y DU ym mlwyddyn ariannol flaenorol y PAC (16 Hydref i 15 Hydref). Y cyhoeddiad ym mis Mai 2025 am wybodaeth flwyddyn ariannol yr UE 2024 oedd yr un olaf ar y wefan hon ar gyfer Lloegr, yr Alban a Chymru. Bydd y cyhoeddiad ym mis Mai 2026 am wybodaeth flwyddyn ariannol yr UE 2025 yn gyhoeddiad olaf y wefan hon ar gyfer Gogledd Iwerddon. Mae’r rheolau cyfreithiol yn ei gwneud yn ofynnol i’r wybodaeth aros ar y wefan am gyfnod o ddwy flynedd ar ôl ei chyhoeddi am y tro cyntaf.

7. Pa feysydd y gallaf eu chwilio?

   Gallwch chwilio am ddata drwy ddefnyddio unrhyw un o’r meysydd a ganlyn:

   • Enw’r buddiolwr
   • Tref/Dinas
   • Cod Post
   • Swm a dderbyniwyd yn ôl categori’r taliad
   • Swm a dderbyniwyd yn ôl mesur neu gynllun
   • Asiantaeth Dalu
   • Blwyddyn ariannol y UE

8. A oes angen i mi lenwi pob un o’r meysydd chwilio i weld manylion taliadau?

   Nac oes. Gallwch chwilio drwy ddefnyddio un neu fwy o’r meysydd chwilio.

9. Beth os nad yw fy chwiliad yn rhoi unrhyw ganlyniadau?

   Dylech ofalu fod yr wybodaeth chwilio rydych wedi’i chyflwyno yn gywir ac, os oes angen, ehangwch eich chwiliad drwy newid y meysydd chwilio.

10. A oes angen i mi roi enw llawn er mwyn cael manylion taliadau?

    Nac oes. Gallwch chwilio drwy ddefnyddio enw llawn neu ran o enw (e.e. Jack Jones Cyfyngedig; Jack Jones neu Jones Cyfyngedig). Defnyddiwch yr opsiwn “Yn cynnwys” i gael y canlyniadau gorau.

11. A oes angen i mi roi’r cod post yn llawn?

    Os ydych yn chwilio drwy ddefnyddio cod post, gallwch ddefnyddio cod post llawn (e.e PO16 7DZ) neu ran o god post, fel cod post y sector (e.e. PO16 7), cod post y rhanbarth (e.e PO16) neu god post yr ardal (e.e. PO).

12. A ga’i brintio canlyniadau fy chwiliad?

    Cewch. Printiwch ganlyniadau eich chwiliad drwy ddefnyddio botwm printio eich porwr.

13. Pa fath o fanylion y bydd y canlyniadau’n eu dangos?

    Gaiff y manylion isod eu dangos, yn unol â gofynion y rheoliadau:

    • Enw’r buddiolwr
    • Tref/Dinas
    • Cod Post y Rhanbarth
    • Swm a dalwyd wrth fath o gynllun
    • Yr Asiantaeth Dalu sy’n gyfrifol am gyfrifo’r taliad

    Am fwy o wybodaeth am y cynlluniau neu’r mesurau a dalwyd i bob buddiolwr, cliciwch ar y ddolen “Manylion” ar ochr dde’r dudalen ganlyniadau.

14. Mae’r wefan yn dangos fy mod wedi derbyn mwy o arian na’r hyn a dalwyd i mi mewn gwirionedd; pam?

    Mae’r manylion yn dangos holl daliadau’r cynllun PAC a wnaed i fuddiolwyr yn ystod y flwyddyn ariannol 16 Hydref 2023 i 15 Hydref 2024 ar gyfer Lloegr, yr Alban, Cymru a Gogledd Iwerddon, ac hefyd yn ystod y flwyddyn ariannol 16 Hydref 2024 i 15 Hydref 2025 ar gyfer Gogledd Iwerddon.

    Caiff unrhyw daliad a dderbyniwyd rhwng y dyddiadau hynny ei gynnwys ond efallai na fydd y symiau yn cymryd i ystyriaeth unrhyw newidiadau neu addasiadau a wnaed i daliadau gan eich Asiantaeth Dalu wedi hynny.

15. Pam na allaf ddod o hyd i fanylion y taliad a dderbyniais ar y wefan?

    Gallech wirio cywirdeb yr wybodaeth chwilio a gyflwynwyd gennych ac, os oes angen, ehangu eich chwiliad. Os ydych yn dal i fethu â dod o hyd i’r manylion rydych yn chwilio amdanynt, bydd angen i chi gysylltu â’r Asiantaeth Dalu sy’n gyfrifol am gyfrifo’r taliadau. Mae’r wefan hon yn cynnwys manylion cyswllt ar gyfer yr Asiantaeth Dalu.

16. Beth mae’r penawdau “cymorth uniongyrchol”, “cynlluniau’r farchnad” a “mesurau datblygu gwledig” yn eu golygu?

    Mae 'cymorth uniongyrchol’ yn golygu’r cynlluniau hynny, gan gynnwys Cynllun y Taliad Sylfaenol, sy’n talu cymhorthdal yn uniongyrchol i ffermwyr a thyfwyr. Mae 'cynlluniau’r farchnad’ yn golygu’r cymorth a roddir i’r farchnad amaethyddol, fel cymhorthion cynhyrchu, ad-daliadau allforion a chostau sy’n gysylltiedig â storio cynnyrch yn gyhoeddus a phreifat.

    Mae 'mesurau datblygu gwledig’ yn cynnwys y cynlluniau amaeth-amgylcheddol a mesurau datblygu gwledig eraill o dan bedair Rhaglen Datblygu Gwledig y DU. Cronfa Amaethyddol Ewrop ar gyfer Datblygu Gwledig sy’n talu am y pennawd hwn, a elwir hefyd yn 'Golofn 2' y PAC.

    Am fwy o wybodaeth, ewch i wefan y Comisiwn Ewropeaidd drwy ddefnyddio’r dolenni a ganlyn:

    • Cymorth uniongyrchol - http://ec.europa.eu/agriculture/direct-support/index_en.htm
    • Cynlluniau’r farchnad - Market measures explained - European Commission
    • Mesurau datblygu gwledig - http://ec.europa.eu/agriculture/rural-development-2014-2020_en
    • I weld manylion am y cynlluniau a mesurau unigol sy’n dod o dan y tri phennawd hwn, ewch i wefannau’r Asiantaethau Talu. Mae manylion cyswllt ar gyfer yr Asiantaethau Talu ar y wefan hon.
    • Mae’r Comisiwn Ewropeaidd wedi darparu dogfen sy’n disgrifio’r cynlluniau a’r mesurau a nodir ar y wefan hon. Mae copi o’r ddogfen ar gael yma.

17. Deallaf y caiff rhai taliadau PAC eu talu ar y cyd gan yr UE a’r DU. Sut y dangosir taliadau o’r fath ar y wefan?

    Gelwir y rhain yn daliadau sydd wedi’u cyd-ariannu ac maen nhw’n ymwneud yn bennaf â mesurau Datblygu Gwledig. Ar gyfer y mathau hyn o daliadau, mae’r wefan yn dangos cyfanswm y symiau a dderbyniwyd gan y buddiolwr, nid yr arian a dalwyd gan yr UE yn unig.

18. Sut y dangosir taliadau a wnaed i fuddiolwyr mewn Ewros?

    Er mwyn sicrhau cysondeb ar y wefan hon, mae’r taliadau a wnaed i fuddiolwyr mewn Ewros wedi’u trosi i’w gwerth Sterling cyfatebol.

19. Mae gennyf ddiddordeb mewn taliadau a wneir o fewn Aelod-wladwriaethau eraill yr UE. Ym mhle gallaf weld mwy o wybodaeth amdanynt?

    Mae’r Comisiwn Ewropeaidd yn darparu tudalen gwe sy’n cynnwys dolenni at wefannau’r holl Aelod-wladwriaethau. Ewch i: Beneficiaries - European Commission

20. Â phwy y dylwn gysylltu os oes gennyf gwestiwn ynglŷn â’r wybodaeth am daliadau sydd ar y wefan hon?

    Cysylltwch â’r Asiantaeth Dalu sy’n gyfrifol am gyfrifo’r taliad. Mae’r wefan hon yn cynnwys dudalen ‘Cysylltu ag Asiantaethau Talu’ sy’n darparu manylion cyswllt i bob un o’r 4 Asiantaeth Talu yn y DU.

21. Pa wybodaeth sydd wedi’i chynnwys yn taliadau ar gyfer Cymorth Technegol?

    Mae gwybodaeth am daliadau o’r fath ar y wefan o dan y penawdau Cymorth Technegol (“Technical assistance” neu “Technical assist”). Maent yn symiau a delir i gyrff gweinyddol mewn Aelod-wladwriaethau o Gronfa Amaethyddol Ewrop ar gyfer Datblygu Gwledig (EAFRD) i helpu gyda’r costau sy’n gysylltiedig â rhedeg cynlluniau cymorth o dan eu Rhaglenni Datblygu Gwledig priodol.

22. Pam mae’r wefan hon yn cau?

    Bu’r cyhoeddiad diwethaf am daliadau’r PAC ar y wefan hon ym mis Mai 2025 am manylion y flwyddyn 16 Hydref 2023 i 15 Hydref 2024 ar gyfer Lloegr, yr Alban a Chymru, ac ym mis Mai 2026 am daliadau’r PAC a wnelir yn y flwyddyn ariannol 16 Hydref 2024 i 15 Hydref 2025 ar gyfer Gogledd Iwerddon. Cafodd y taliadau diwethaf â ariennir gan yr UE eu gwneud yn ystod y cyfnodau hyn, ac o hynny ymlaen ni fydd yn ofynnol i’r DU gyhoeddi manylion ar un gwefan genedlaethol. Fodd bynnag, bydd manylion yn parhau ar gael ar y wefan hon nes i’r wefan gau ym mis Mai 2027. Bydd manylion pellach am cyhoeddiadau yn y dyfodol yn ymddangos yma.