Cwestiynau Cyffredin

1. Pam mae manylion taliadau’r PAC yn cael eu cyhoeddi ar y wefan hon?

   Darperir yr wybodaeth hon yn unol â Rheoliad yr UE Rhif 1306/2013 a Rheoliad y Comisiwn Rhif 908/2014, sy’n ei gwneud yn ofynnol i’r DU ac Aelod-wladwriaethau’r UE gyhoeddi manylion am y rheini sy’n cael taliadau cymhorthdal o dan y Polisi Amaethyddol Cyffredin ar un gwefan genedlaethol. Yn dilyn ymadawiad y DU â’r UE, parhaodd y PAC (yn cynnwys y Rheoliadau uchod) i fod yn berthnasol yn ystod y cyfnod pontio a orffennodd ar 31 Rhagfyr 2020, a bydd yn parhau’n berthnasol ar ôl y dyddiad hon ynglyn â’r Cynllyniau Datblygu Gwledig 2014-20 nes iddynt gau. Ymhellach, mae’r gofynion i gyhoeddi manylion cymorthdaliadau amaethyddol o dan rheoliadau UE argadwedig wedi eu trawsnodi i ddeddfwriaeth y DU trwy Offerynnau Statudol â wnelir o dan Ddeddf yr Undeb Ewropeaidd (Ymadael) 2018.

2. Pa wybodaeth sydd wedi’i chynnwys ar y wefan hon?

   Mae’r manylion sydd wedi’u cynnwys yn ymwneud â holl daliadau cynlluniau’r PAC (er enghraifft, Cynllun y Taliad Sylfaenol), a wnaed i fuddiolwyr yn ystod y cyfnod 16 Hydref 2018 i 15 Hydref 2019 a 16 Hydref 2019 i 15 Hydref 2020.

   Cyhoeddir gwybodaeth ar gyfer pob buddiolwr sy’n derbyn mwy na €1,250 (neu swm gyfatebol), ynghyd â gwybodaeth ychwanegol am y cynlluniau neu fesurau a dalwyd. Cyhoeddir gwybodaeth ar gyfer pob buddiolwr sy’n derbyn €1,250 neu lai, ond ni chaiff enw’r buddiolwr ei gyhoeddi. Ceir mwy o wybodaeth ynglŷn â’r cynlluniau a mesurau yn Ateb 15.

3. Pam y cafodd trothwy o €1,250 ei bennu ar gyfer celu enwau?

   Mae hyn yn unol â deddfwriaeth yr UE a’r DU. At ddibenion ymarferol troswyd hyn i £1,116 ar gyfer 2019 a £1,114 ar gyfer 2020, ar sail cyfradd gyfnewid yr Ewro ar gyfer taliadau BPS. Mae cynllun hon yn cyfrif am fwyafrif taliadau PAC y blynyddoedd hynny.

4. Roeddwn yn meddwl bod gwahanol reolau ar gyfer cyhoeddi taliadau a wnaed i Endidau Cyfreithiol a Phobol?

   O dan ddeddfwriaeth flaenorol yr UE, roedd yn ofynnol i gyhoeddi manylion taliadau a wnaed i Endidau Cyfreithiol yn unig. Mae Rheoliadau diwygiedig yr UE yn ei gwneud yn ofynnol i gyhoeddi’r taliadau a wnaed i bob derbynnydd, ni waeth beth yw ei statws

5. Pa mor aml y caiff y data ar y wefan ei diweddaru?

   Cyhoeddir yr wybodaeth ddim hwyrach na 31af Mai bob blwyddyn ar gyfer taliadau a wnaed i fuddiolwyr y DU ym mlwyddyn ariannol flaenorol y PAC (16 Hydref i 15 Hydref). Mae’r rheolau cyfreithiol yn ei gwneud yn ofynnol i’r wybodaeth aros ar y wefan am gyfnod o ddwy flynedd ar ôl ei chyhoeddi am y tro cyntaf.

6. Pa feysydd y gallaf eu chwilio?

   Gallwch chwilio am ddata drwy ddefnyddio unrhyw un o’r meysydd a ganlyn:

   • Enw’r buddiolwr
   • Tref/Dinas
   • Cod Post
   • Swm a dderbyniwyd yn ôl categori’r taliad
   • Swm a dderbyniwyd yn ôl mesur neu gynllun
   • Asiantaeth Dalu
   • Blwyddyn ariannol y UE
7. A oes angen i mi lenwi pob un o’r meysydd chwilio i weld manylion taliadau?

   Nac oes. Gallwch chwilio drwy ddefnyddio un neu fwy o’r meysydd chwilio.

8. Beth os nad yw fy chwiliad yn rhoi unrhyw ganlyniadau?

   Dylech ofalu fod yr wybodaeth chwilio rydych wedi’i chyflwyno yn gywir ac, os oes angen, ehangwch eich chwiliad drwy newid neu leihau’r meysydd chwilio.

9. A oes angen i mi roi enw llawn er mwyn cael manylion taliadau?

   Nac oes. Gallwch chwilio drwy ddefnyddio enw llawn neu ran o enw (e.e. Jack Jones Cyfyngedig; J Jones Cyfyngedig neu Jones Cyfyngedig). Defnyddiwch yr opsiwn “Yn cynnwys” i gael y canlyniadau gorau.

10. A oes angen i mi roi’r cod post yn llawn?

    Nac oes. Gallwch chwilio drwy ddefnyddio cod post llawn (e.e PO16 7DZ) neu ran o god post, fel cod post y sector (e.e. PO16 7), cod post y rhanbarth (e.e PO16) neu god post yr ardal (e.e. PO).

11. A ga’i brintio canlyniadau fy chwiliad?

    Cewch. Printiwch ganlyniadau eich chwiliad drwy ddefnyddio botwm printio eich porwr.

12. Pa fath o fanylion y bydd y canlyniadau’n eu dangos?

    Gaiff y manylion isod eu dangos, yn unol â’r gofynion y rheoliadau:

    • Enw’r buddiolwr
    • Tref/Dinas
    • Cod Post y Rhanbarth
    • Swm a dalwyd wrth fath o gynllun
    • Yr Asiantaeth Dalu sy’n gyfrifol am gyfrifo’r taliad

    Am fwy o wybodaeth am y cynlluniau neu’r mesurau a dalwyd i bob buddiolwr, cliciwch ar y ddolen “Manylion” ar ochr dde’r dudalen ganlyniadau.

13. Mae’r wefan yn dangos fy mod wedi derbyn mwy o arian na’r hyn a dalwyd i mi mewn gwirionedd; pam?

    Mae’r manylion yn dangos holl daliadau’r cynllun PAC a wnaed i fuddiolwyr yn ystod y flwyddyn ariannol 16 Hydref 2018 i 15 Hydref 2019 neu 16 Hydref 2019 i 15 Hydref 2020.

    Caiff unrhyw daliad a dderbyniwyd rhwng y dyddiadau hynny ei gynnwys ond efallai na fydd y symiau yn cymryd i ystyriaeth unrhyw newidiadau neu addasiadau a wnaed i daliadau gan eich Asiantaeth Dalu wedi hynny.

14. Pam na allaf ddod o hyd i fanylion y taliad a dderbyniais ar y wefan?

    Efallai fod Ateb 2 yn berthnasol. Gallech wirio cywirdeb yr wybodaeth chwilio a gyflwynwyd gennych ac, os oes angen, ehangu eich chwiliad. Os ydych yn dal i fethu â dod o hyd i’r manylion rydych yn chwilio amdanynt, bydd angen i chi gysylltu â’r Asiantaeth Dalu sy’n gyfrifol am gyfrifo’r taliadau. Mae’r wefan hon yn cynnwys manylion cyswllt ar gyfer yr Asiantaeth Dalu.

15. Beth mae’r penawdau “cymorth uniongyrchol”, “cynlluniau’r farchnad” a “mesurau datblygu gwledig” yn eu golygu?

    Mae 'cymorth uniongyrchol’ yn golygu’r cynlluniau hynny, gan gynnwys Cynllun y Taliad Sylfaenol, sy’n talu cymhorthdal yn uniongyrchol i ffermwyr a thyfwyr. Mae 'cynlluniau’r farchnad’ yn golygu’r cymorth a roddir i’r farchnad amaethyddol, fel cymhorthion cynhyrchu, ad-daliadau allforion a chostau sy’n gysylltiedig â storio cynnyrch yn gyhoeddus a phreifat. Gyda’i gilydd, y ddau bennawd hwn yw 'Colofn 1' y PAC, ac fe ddaw’r arian o Gronfa Gwarantu Amaethyddiaeth Ewrop.

    Mae 'mesurau datblygu gwledig’ yn cynnwys y cynlluniau amaeth-amgylcheddol a mesurau datblygu gwledig eraill o dan bedair Rhaglen Datblygu Gwledig y DU. Cronfa Amaethyddol Ewrop ar gyfer Datblygu Gwledig sy’n talu am y pennawd hwn, a elwir hefyd yn 'Golofn 2' y PAC.

    Am fwy o wybodaeth, ewch i wefan y Comisiwn Ewropeaidd drwy ddefnyddio’r dolenni a ganlyn:

    • Cymorth uniongyrchol - http://ec.europa.eu/agriculture/direct-support/index_en.htm
    • Cynlluniau’r farchnad - http://ec.europa.eu/agriculture/markets/index_en.htm
    • Mesurau datblygu gwledig - http://ec.europa.eu/agriculture/rural-development-2014-2020_en
    • I weld manylion am y cynlluniau a mesurau unigol sy’n dod o dan y tri phennawd hwn, ewch i wefannau’r Asiantaethau Talu. Mae manylion cyswllt ar gyfer yr Asiantaethau Talu ar y wefan hon.
    • Mae’r Comisiwn Ewropeaidd wedi darparu dogfen sy’n disgrifio’r cynlluniau a’r mesurau a nodir ar y wefan hon. Mae copi o’r ddogfen ar gael yma.
16. Deallaf y caiff rhai taliadau PAC eu talu ar y cyd gan yr UE a’r DU. Sut y dangosir taliadau o’r fath ar y wefan?

    Gelwir y rhain yn daliadau sydd wedi’u cyd-ariannu ac maen nhw’n ymwneud yn bennaf â mesurau Datblygu Gwledig. Ar gyfer y mathau hyn o daliadau, mae’r wefan yn dangos cyfanswm y symiau a dderbyniwyd gan y buddiolwr, nid yr arian a dalwyd gan yr UE yn unig.

17. Sut y dangosir taliadau a wnaed i fuddiolwyr mewn Ewros?

    Er mwyn sicrhau cysondeb ar y wefan hon, mae’r taliadau a wnaed i fuddiolwyr mewn Ewros wedi’u trosi i’w gwerth Sterling cyfatebol.

18. Mae gennyf ddiddordeb mewn taliadau a wneir o fewn Aelod-wladwriaethau eraill yr UE. Ym mhle gallaf weld mwy o wybodaeth amdanynt?

    Mae’r Comisiwn Ewropeaidd yn darparu tudalen gwe sy’n cynnwys dolenni at wefannau’r holl Aelod-wladwriaethau. Ewch i: http://ec.europa.eu/agriculture/cap-funding/beneficiaries/shared/index_en.htm

19. Â phwy y dylwn gysylltu os oes gennyf gwestiwn ynglŷn â’r wybodaeth am daliadau sydd ar y wefan hon?

    Cysylltwch â’r Asiantaeth Dalu sy’n gyfrifol am gyfrifo’r taliad. Mae’r wefan hon yn cynnwys dudalen ‘Cysylltwch Asiantaethau Dalu’ sy’n darparu manylion cyswllt i bob un yr Asiantaethau Talu.

20. Â phwy y dylwn gysylltu os oes gennyf gwestiwn am y wefan hon, yn hytrach nag am daliad penodol?

    Os oes gennych unrhyw ymholiad ynglŷn â’r wefan hon, cysylltwch â
    Chorff Cydgysylltu’r DU yn enquiries@ukcoordinatingbody.gov.uk

21. Pa wybodaeth sydd wedi’i chynnwys yn taliadau ar gyfer Cymorth Technegol?

    Mae gwybodaeth am daliadau o’r fath ar y wefan o dan y penawdau Cymorth Technegol (“Technical assistance” neu “Technical assist”). Maent yn symiau a delir i gyrff gweinyddol mewn Aelod-wladwriaethau o Gronfa Amaethyddol Ewrop ar gyfer Datblygu Gwledig (EAFRD) i helpu gyda’r costau sy’n gysylltiedig â rhedeg cynlluniau cymorth o dan eu Rhaglenni Datblygu Gwledig priodol.