Taliadau’r PAC

Croeso i wefan Taliadau PAC y DU. Ar y wefan hon gallwch ddod o hyd i fanylion y symiau a dderbyniwyd gan fuddiolwyr y Deyrnas Unedig am gynlluniau dan y Polisi Amaethyddol Cyffredin (PAC).

Darperir yr wybodaeth hon yn unol â Rheoliad yr UE Rhif 1306/2013 a Rheoliad y Comisiwn Rhif 908/2014, sy’n ei gwneud yn ofynnol i’r DU ac Aelod-wladwriaethau’r UE gyhoeddi manylion am y rheini sy’n cael taliadau cymhorthdal o dan y Polisi Amaethyddol Cyffredin ar un gwefan genedlaethol. Yn dilyn ymadawiad y DU â’r UE, bu’r PAC (yn cynnwys y Rheoliadau uchod) yn parhau’n berthnasol i’r Cynllun Datblygu Gwledig 2014-2020 nes iddo gau ar 31 Rhagfyr 2023. Ymhellach, mae’r wefan hon yn cynnwys manylion cymorthdaliadau amaethyddol â ariennir gan y DU o dan rheoliadau UE argadwedig, fel Cynllun y Taliad Sylfaenol. Mae’r gofynion i gyhoeddi’r manylion hyn wedi eu trawsnodi i ddeddfwriaeth y DU trwy Offerynnau Statudol â wnelir o dan Bil yr Undeb Ewropeaidd (Ymadael) 2018.

Mae’r manylion a gaiff eu cynnwys ar y wefan hon yn ymwneud â holl gymorthdaliadau’r PAC a wnaed i fuddiolwyr yn ystod blynyddoedd ariannol yr UE, 16 Hydref 2022 i 15 Hydref 2023, a 16 Hydref 2023 i 15 Hydref 2024. Mae manylion taliadau am y cyfnod 16 Hydref 2024 i 15 Hydref 2025 hefyd wedi eu cynnwys ar gyfer Gogledd Iwerddon. Dangosir y cyfanswm a dderbyniwyd gan bob buddiolwr o dan tri phennawd: cymorth uniongyrchol (e.e. Cynllun y Taliad Sylfaenol), cynlluniau’r farchnad a mesurau datblygu gwledig. Gellir ehangu’r penawdau hyn i ddangos y symiau a dalwyd o dan bob un o gynlluniau neu fesurau’r PAC.

Gallwch ddefnyddio’r dudalen chwilio taliadau i weld y symiau a dderbyniwyd gan fuddiolwyr. Trwy ddefnyddio’r gwahanol ddewisiadau chwilio, gan gynnwys enw, cyfeiriad, gwerth a chynllun, gallwch leihau nifer y canlyniadau. Neu, gallwch lawrlwytho set cyflawn o ddata ar ffurf taenlen.

Yn unol â gofynion y deddfwriaeth uchod, ni ddangosir enwau buddiolwyr sy’n derbyn llai na €1,250 mewn cymorthdaliadau yn ystod y flwyddyn ar y wefan. Yn yr achosion hyn, caiff manylion y symiau a dalwyd i’r buddiolwyr eu cynnwys, ond ni ddangosir eu henwau. Er mwyn cyhoeddi symiau ar y wefan hon, mae’r €1,250 wedi ei gyfnewid i’r cyfradd cyfartal Sterling, sef £1,114.

Mae Llywodraeth y DU yn parhau’n ymrwymedig i dryloywder llawn wrth ddefnyddio arian cyhoeddus, gan gynnwys cyhoeddi manylion yr holl daliadau a wnaed o dan y PAC.

Bydd cyhoeddiad manylion taliadau’r flwyddyn 16 Hydref 2023 i 15 Hydref 2024 ar gyfer Lloegr, yr Alban, Cymru a Gogledd Iwerddon yn parhau ar gael am dwy flynedd ar ôl eu cyhoeddiad ym mis Mai 2025, yn ofynnol â’r deddfwriaeth. Bydd manylion taliadau am y cyfnod 16 Hydref 2024 i 15 Hydref 2025 ar gyfer Gogledd Iwerddon yn unig yn cael eu cyhoeddi diwedd mis Mai 2026, ac yn parhau ar gael nes i’r wefan hon gau ym mis Mai 2027. Bydd mynediad pellach i fanylion Gogledd Iwerddon ar gael trwy wefan DAERA ar ôl hynny. Yn ofynnol â’r deddfwriaeth, mae manylion y flwyddyn ariannol 16 Hydref 2022 i 15 Hydref 2023 wedi eu gwaredu. Bydd y wefan hon yn cau ym mis Mai 2027 ac ni fydd unrhyw fanylion taliadau pellach ar gael ar y wefan hon.